IN THE NAME OF ALLAH, THE MOST BENEFICENT, THE MOST MERCIFUL



Jeena Seekhiye

1949 me japaniaon ne apne yahan ek sanati seminar( industrial seminar) kia.is seminar me inho ne ek doctor edward deming(dr.edward deming) ko ek qususi dawat naama bhej kar bulaya.dr deming ne apne lecture me aala sanati paidawar ka ek naya nazriya pesh kia.ye kwality control ka nazriya tha.

                    Japan keliye America k log dushman qaom ki haisiat rakhte thei.doosri jung e azeem me America ne Japa ko badtareen shikist aur zillat se dochaar kia tha.is aitebaar se hona ye chahiye tha k Japaniaon k dil me America ke khilaf nafrat ki aag bharak uthe.magar Japaniaon ne apne aap ko is qism k manfi jazbaat se oopar utha lia ye hi waja hai k inke liye ye mumkin hua k wo apne seminar me Americi professor ko bulayen.aur iske batlaye hue nusqe par thande dil se ghaur karke isko khabool karen.

                    Japaniaon ne Americi professor ki baat ko mazbooti se pakad lia.inho ne apne poore sanati nizam ko kwality control k ruq par chalana shru kia.inho ne apne sanat kaaraon k samne be nuqs nishana rakha.yaani aisa production market me laana jisme kisi bhi qism ka koi nuqs naho.

                    jald hi aisa hua k japan k industries me benuqs saaman banne laga.yahan tak k Britain k ek shop owner ne kaha k Japan se agar main 1 million ka saamaan mangwaun to mujhko yaqeen hota hai kinme koi ek cheez bhi nuqs wali nahi hogi.chunanche tamam dunya me Japan ki production par 100% bharosa kia jaane laga.

                    ab Japan ki tijaarat bahot ziada badh gayi hai.hatta k wo American market par chagaya hai.halanke 2nd world war k baad Japan economically bahot kamzoor hogaya tha.laikin usne apni himmat nahi haari aur Allah ki di hui salahiataon ko istemal karte hue aaj ye maqam hasil karlia.